Jak Roberto, nagpasalamat sa lahat ng bumuo ng 'Stories From The Heart: Never Say Goodbye'

Labis ang pasasalamat ni Kapuso hunk Jak Roberto para sa lahat ng bumuo ng drama mini-series na Stories From The Heart: Never Say Goodbye matapos ipalabas ang finale episode kaninang hapon.

Ibinahagi ng aktor ang ilang mga larawan kasama ang kanyang co-stars na sina Klea Pineda, Lauren Young, Herlene “Sexy Hipon” Budol, Max Eigenmann, Snooky Serna, Kim Rodriguez, Shermaine Santiago, Mosang at Luke Conde.

Kabilang din sa mga litrato ang ilang creative team sa likod ng Never Say Goodbye gaya na lamang ng director na si Paul Sta. Ana.

Sinulat ni Jak sa caption, “ Super thankful for this show...From production and staff to writers, directors and to my co-actors, at sa lahat ng sumuporta ng Stories From The Heart: Never Say Goodbye maraming maraming salamat po!”

Proud at supportive girlfriend naman si Barbie Forteza kay Jak dahil sa mahusay na trabaho nito bilang aktor.

Photo courtesy: jakroberto (IG)

“I'm so proud of you, mahal ko. Job well done! Congratulations! Love you po!” comment ni Barbie.

Samantala, mapapanood na ang ikatlong kuwento ng drama-anthology series na Love On Air na pagbibidahan nina Gabbi Garcia at Khalil Ramos sa darating na November 29, 3:25 p.m. sa GMA Afternoon Prime.

Mga Kapuso, muling balikan ang mga nakaraang eksena ng Never Say Goodbye sa gallery na ito: