WATCH: Komedyanteng si Don Pepot, biktima ng fake news: 'Hindi pa po ko patay'
Published On: July 22, 2018, 04:37 PM
Updated On: July 22, 2018, 04:49 PM
Sa Sunday PinaSaya, ginawaran ng Puso ng Saya award ang batikang komedyante na inakala ng marami na patay na. Siya si Don Pepot, ang komedyante na sumikat noong dekada 70s at lumabas na sa halos 100 pelikula.
Sa awarding, ipinakita kung paano naging biktima ng fake news si Don Pepot. 2012 pa kasi huling napanood siya sa pelikula, kaya nang kumalat ang balita na namayapa na ang komedyante ay pinaniwalaan ito ng kanyang mga katrabaho sa showbiz at fans,
Ayon sa komedyante, "Doon sa mga nakaalam sa balita na ako'y patay...eto ha buhay na buhay ako."
Nagpasalamat naman siya sa Sunday PinaSaya sa parangal na natanggap niya.
"Taos ang aking pasasalamat," ayon kay Don Pepot na kahit hirap na magsalita at kumilos ay pilit pa ring nagpapatawa.