Eugene Domingo, sa set ng 'Dear Uge' nambiktima para sa 'TBATS'

Join forces ang Dear Uge at The Boobay and Tekla Show (TBATS) dahil si Eugene Domingo ang kasabwat nina Boobay and Tekla sa April 25 episode ng Kapuso comedy show.

Sa 'Pranking in Tandem' segment, napanood ang panggu-good time ni Eugene sa dalawang basketbolistang inakalang mage-guest sa Dear Uge. Ano kaya ang mararamdaman ng dalawang UAAP basketball players sa iba't ibang emosyong ipapakita ni Uge bago pa man magsimula ang taping nila?

Sanib-puwersa rin si Eugene at ang fun-tastic duo sa 'Dear Boobay and Tekla' segment. Ano kaya ang words of wisdom ni Uge?

Nakisaya rin ang ibang Dear Uge cast members na sina Jo Berry, Divine Aucina, Jelai Andres, at Dave Bornea sa larong 'The Whisper Challenge.'

Ang saya sa studio umabot hanggang labas nang makipagkulitan sina Boobay at Tekla sa mga tao sa palengke sa kanilang segment na 'TBATS on the Street.'

Napanood naman sa Kapuso Mo, Jessica Soho parody kung paano nagkrus ang landas ng dalawang babaeng bigo sa pag-ibig. Ano kaya ang mangyayari kung malalaman nilang magkadikit din ang kanilang naudlot na love story?

Non-stop talaga ang laugh trip na hatid ng The Boobay and Tekla Show! Tutok na tuwing Linggo, matapos ang Kapuso Mo, Jessica Soho!