Mark Bautista, buena manong guest sa new normal ng 'TBATS'

Hindi lang fresh kundi hot na hot din ang bagong episode ng The Boobay and Tekla Show (TBATS) dahil sasalang sa maintrigang bukingan si Mark Bautista ngayong Linggo, September 13.

Si Mark ang uupo sa hot seat ng 'Feeling the Blank' segment kung saan hindi niya uurungang sagutin ang controversial questions nina Boobay at Tekla. Magpapamalas din ng improvisational skills ang Kapuso star at international stage actor sa segment na 'Boobay and Tekla Presents…. Si Malakas at si Maganda.'

Maliban kay Mark, bibisita rin sa programa ang ibang sikat na celebrities tulad ng cast members ng Descendants of the Sun (The Philippine Adaptation) at Encantadia. Ramdam na ramdam din ang simula ng Kapaskuhan sa pagsilip ni Jose Mari Chan sa TBATS studio!

Muli n'yo na ring mapapanood ang 'Dear Boobay at Tekla.' Ipapakilala naman ng fun-tastic duo ang bagong segment na 'Pasikatin Natin 'To!' kung saan ipapakita ang funniest videos na ipinadala ng ating mga ka-TBATS.

Tuloy-tuloy ang laugh trip kahit may krisis! Tutok na sa The Boobay and Tekla Show ngayong Linggo, September 13, pagkatapos ng Kapuso Mo, Jessica Soho!