LOOK: Ariel Rivera, Beauty Gonzalez, and Sid Lucero begin taping for upcoming series 'The Fake Life'

Nagsimula na ang lock-in taping ng upcoming GMA Afternoon Prime series na The Fake Life na pinagbibidahan nina Ariel Rivera, Beauty Gonzalez, at Sid Lucero.

Bukod kina Ariel, Beauty, at Sid, nasa lock-in taping na rin sina Will Ashley, Shanelle Agustin, Carlos Dala, Tetchie Agbayani, Faye Lorenzo, at Jenny Miller.

Umiikot ang kuwento ng The Fake Life sa buhay ni Onats (Ariel), isang loyal na asawa kay Cindy (Beauty) at mapagmahal na ama kina Jaycie (Shanelle) at Jonjon (Carlos).

Sa isip ni Onats ay narating na niya ang kanyang mga pangarap ngunit biglang mababaliktad ang kanyang mundo nang malaman niyang may isa siyang rare condition.

Ano kaya ang gagawin ni Onats kapag nalaman niya na ang kanyang buhay ay hindi sa kanya?

Panoorin ang pagbabalik ni Ariel sa GMA sa The Fake Life, malapit na sa GMA Afternoon Prime.