Jennifer Maravilla, ikinuwento kung bakit espesyal sa kanya ang kantang "Abutin" ng 'The Lost Recipe'
Around GMA
Around GMA
'A Knight of the Seven Kingdoms' final trailer sets fun tone for 'Game of Thrones' prequel Over 200 passengers stranded at Cebu City port due to #WilmaPH NAIA is opening more food halls at Terminal 3Article Inside Page
Showbiz News
Si Jennifer Maravilla ang magbibigay buhay sa theme song ng romance fantasy series na 'The Lost Recipe.'
Ibinahagi ng Kapuso singer at The Clash season 2 finalist na si Jennifer Maravilla ang kanyang naging experience sa pagkanta ng weekly theme song ng The Lost Recipe.
Ang The Lost Recipe ay ang romance fantasy series na bagong handog ng GMA Public Affairs. Mapapanood dito ang unang pagtatambal nina Mikee Quintos at Kelvin Miranda o #MiKel. Sila ay gaganap bilang sina Chef Harvey Napoleon at Chef Apple Valencia.
Ayon kay Jennifer, espesyal sa kanya ang pagkanta ng The Lost Recipe theme song dahil unang beses niyang kakanta para sa isang serye.
Photo source: The Lost Recipe
Saad ng talented na singer, “First time ko po kumanta ng song na gagamitin para sa teleserye.”
Dugtong pa niya, mas naging espesyal pa umano dahil maraming nag-aabang sa nalalapit na pagsisimula ng The Lost Recipe.
“Madami ang nae-excite sa The Lost Recipe, kaya nakakakilig lang po na para sa teleserye ko pa ito gagawin.
Nagpasalamat din si Jennifer sa pagkakataong nakuha niya para makakanta sa isang serye ng GMA.
“Honored po ako at masaya po ako sa naging experience ko. Grateful po sa lahat ng bumubuo ng The Lost Recipe. Thank you for giving me the opportunity.
Ang theme song na gagamitin ng The Lost Recipe ay pinamagatang “Abutin.” Ayon kay Jennifer, maganda ang mensahe ng awiting ito dahil magsisilbing inspirasyon sa mga katulad niyang nangangarap.
Saad ni Jennifer, “Para sa akin, sobrang ganda nung song na Abutin. Inspirational siya. Marami, I think, ang nakakaalam na galing ako sa The Clash, at isa talaga sa katangian naming mga kontesera, palaban kami sa aming pangarap. Kaya sobrang naka-relate ako sa kanta na 'to.”
Kuwento pa ni Jennifer, ang mga taong patuloy na nagsusumikap at lumalaban para sa pangarap ay siguradong makaka-relate sa kanta.
“I believe marami rin po sa ating mga Kapuso na patuloy na nagsusumikap para sa kanilang dreams and goals ang makaka-relate rin.”
Abangan ang kantang "Abutin" at ang iba't ibang mga theme songs na handog ng The Lost Recipe. Subaybayan naman mamayang gabi ang pagsisimula ng The Lost Recipe, 8:00 p.m. sa GMA News TV.
Kilalanin ang iba't ibang mga karakter na mapapanood sa fantasy romance series na The Lost Recipe sa gallery na ito:
