'The Wall Philippines,' mapapanood na sa GMA Network

Inihahandog ng GMA Network Inc. at Viva Communications Inc. ang game show na minahal sa Amerika hatid ng Endemol at ngayon ay magbibigay saya sa bawat Kapuso tuwing Linggo --- ang The Wall Philippines!

Simula Agosto ay mapapanood na sa GMA ang Philippine edition ng The Wall kasama ang isang sikat at award-winning TV host na napanood din noon sa GMA.

Bukod sa bigating host, masasaksihan din sa game show ang paglalaro ng celebrity tandem tuwing Linggo na highlight ang state-of-the-art 40-foot wall.

Ang kanilang galing sa pagsagot sa iba't ibang mind-blowing questions at direksyon ng bola sa money bins ang magdidikta ng kanilang makukuhang premyo na pwedeng umabot hanggang 10 million pesos.

Ang life-changing moments ng celebrity players, abangan sa The Wall Philippines, ngayong Agosto na sa GMA.

Tutok lang sa GMANetwork.com para sa updates.