Ina Feleo at Max Collins, ikinuwento kung paano sila tinulungan ni Direk Don Michael Perez sa kanilang mga eksena
Hindi maisasakatuparan nang husto ang kuwento ng To Have And To Hold na binuo ng head writer na si Denoy Punio, kung wala ang malalim na paghimay ni Direk Don Michael Perez.
Kaya ganoon na lamang ang papuri ng versatile actress na si Ina Feleo na gaganap na Quel sa soap sa tuwing mapag-uusapan si Direk Don.
Sa idinaos na grand media conference ng primetime series last week, inalala ni Ina kung paano binigyang-buhay ng kanilang direktor ang mundo nina Erica (Carla Abellana), Gavin (Rocco Nacino), at Dominique (Max Collins).
Kuwento niya, “I also would like to commend our director- si Direk Don Michael Perez, kasi talagang the guidance [na ibinigay niya]. Ako kasi, kami ni Valeen pareho kami ganyan, parang kami aligaga laging bukas ang mga tenga namin, so kahit hindi para sa amin 'yung direction lagi kami nakikinig. And I love the way he directs! I love the way he gives mga little adjustments to the scenes.”
Samantala, aminado naman si Max Collins na naging mahirap gampanan ang role ni Dominique, dahil true to life ang karakter na ibinigay sa kanya.
Very specific din daw ang hiningi sa kanya ni Direk Don tuwing haharap sa kamera bilang asawa ni Gavin.
“Kasi nasanay ako na inaarte ko lagi and dito because of the leadership of Direk Don, he was so amazing on being supportive and really encouraging us to find truth in all our scenes. And really make it as real as possible and because we have an amazing script from Miss Denoy Punio - we were given the opportunity to do so and it was harder para sa akin, kasi hindi ako sanay mag-dig deep. Hindi ako ganun ka-emotional e, it was really hard for me to look for those emotions and open myself up.”
Abangan ang world premiere ngayong gabi ng To Have And To Hold sa GMA Telebabad sa oras na 8:50 p.m.
Related content:
Behind the Scenes: 'To Have And To Hold' Pictorial
LOOK: The hunk actors of 'To Have And To Hold'