Ilang tulog na lang at mapapanood na ang biggest collaboration project ng GMA, ABS-CBN, at Viu.
Ito ang 'Unbreak My Heart,' ang pinakaaabangang heavy drama series na pagbibidahan nina Joshua Garcia, Gabbi Garcia, Richard Yap, at Jodi Sta. Maria.
Nito lamang Huwebes, May 25, idinaos sa isang hotel sa Quezon City ang engrandeng media conference para sa naturang drama series.
Silipin ang ilang naging kaganapan sa star-studded event sa gallery na ito.
Isang engrandeng set up at venue para sa #UMHMediaDay ang inabutan ng entertainment media at ng ilang kabilang sa cast at crew ng 'Unbreak My Heart.'
Present sa media conference ang mga director ng 'Unbreak My Heart' na sina Dolly Dulu at Emmanuel Quindo Palo.
Para kay Joshua Garcia, itinuturing niyang level up ang pagiging isa sa lead stars ng 'Unbreak My Heart.'
Sa isang panayam, sinabi ni Gabbi Garcia na "humbled at grateful" siya na mapabilang sa biggest collaboration ng GMA, ABS-CBN, at Viu.
Sa media conference, sinagot ng award-winning actress na si Jodi Sta. Maria ang ilang katanungan ng press tungkol sa pakikipag trabaho niya sa ilang Kapuso stars tulad ni Gabbi Garcia.
Inilahad naman ng director-actress na si Laurice Guillen na nag-e-enjoy siya habang ginagawa nila ang 'Unbreak My Heart.'
Ayon sa veteran actress na si Eula Valdes, “Grateful ako na kasama ako rito, super grateful ako. Thankful ako na kasama ang pangalan ko sa project na 'Unbreak My Heart.'
Ang karakter ng aktres na si Sunshine Cruz ang magiging karibal ng karakter ni Jodi Sta. Maria sa serye.
Kuwento ng aktor na si Romnick Sarmenta, maaapektuhan daw ng kanyang karakter ang buhay ng karakter nina Joshua Garcia, Eula Valdes, at marami pang iba.
Sa kanyang pagdalo sa media conference, ikinatuwa ni Victor Neri na makita ang ilang mga miyembro ng entertainment press na nakasama na niya noon sa kanyang previous projects.
Sa naturang event, nagkuwento ang aktres na si Nikki Valdez tungkol sa mga naranasan nila ng kanyang 'Unbreak My Heart' co-stars habang nagte-taping sila noon sa Europe.
Ayon sa Sparkle actor na si Will Ashley, blessed at happy siya na maging parte ng 'Unbreak My Heart.'
Ayon sa Kapamilya actor na si Jeremiah Lisbo, tila hindi pa rin siya makapaniwala na parte siya ng cast ng napakalaking proyekto ng GMA, ABS-CBN, at Viu.
Ayon kay Bianca De Vera, isa raw mabuting kaibigan at katrabaho ang Sparkle actor na si Will Ashley.
Nang magsalita si Maey Bautista sa media conference, labis niyang napasaya ang mga taong dumalo sa nasabing event.
Ilan sa mga birong binitawan ng comedian-actress na si Maey ay ang tungkol sa kunwaring pagsama niya noon sa cast papuntang Switzerland para sa kanilang taping.
Ayon kay Philip Joshua Endrinal, kakaiba ang na-build na closeness nila ng kanyang 'Unbreak My Heart' co-stars.
Ayon sa ilang cast ng 'Unbreak My Heart,' bukod sa pagiging aktor ay si Mark Rivera ang nagsilbi nilang tour guide noon sa kanilang work trip sa Europe.
Bukod kay Maey Bautista, nagpasaya rin ng mga dumalo sa media conference ang aktor na si Marvin Yap. Biro pa niya, abangan daw ang love story nila ng karakter ni Maey sa serye.
Si Robi Domingo ang nagsilbing host sa #UMHMediaDay.
Sa kalagitnaan ng media conference, inawit ng Sparkle artist na si Bey ang kantang 'Falling in love,' ang isa sa official soundtracks ng 'Unbreak My Heart.'
Bukod kay Bey, nag-perform din on stage ang Kapuso singer na si Christian Bautista. Inawit niya ang kantang 'You are Everything,' na isa rin sa soundtracks ng serye.
Game na game na sinagot ng cast ang ilang katanungan ng press na related sa kanilang upcoming series na 'Unbreak My Heart.'
Pagkatapos ng media conference, masayang nag-group photo ang cast ng 'Unbreak My Heart.'