WATCH: 'Victor Magtanggol' costume ni Alden Richards, ipinasilip

Ipinakita sa 24 Oras ang exclusive reveal ng magiging anyo ni Alden Richards bilang Victor Magtanggol.

Sa ulat ni Aubrey Carampel, ibinahagi ni Alden na childhood dream niya ang tulad ng karakter ni Victor Magtanggol. “Alam naman ng karamihan na super fan ako ni Iron Man, so ‘yung mga secret dreams ko before was really to play a superhero role.”

Ibang excitement ang naramdaman ni Alden nang suotin niya ang kaniyang superhero costume para sa Victor Magtanggol. Kumportable rin daw siya kahit sumabak siya sa maaksyon na eksena.

Aniya, ”Surprisingly ang ganda nung movement. Parang magaan siya isuot.”

Hindi rin daw biro ang pagsuot ng body cast. “Isang oras kang babalutan ng material na parang tumitigas. Masakit, pero para talagang tailor-made ‘yung costume, kailangan ‘yun eh.”

Nakailang revisions daw muna ang costume bago matapos, pero masaya raw si Alden sa naging final look ng costume na proudly Pinoy. Kuwento niya, “Everything is purong Pinoy. It’s all Filipino talent, Filipino effort, blood, sweat, tears, all in one project. So ito ‘yun”

Panoorin ang 24 Oras report.