EXCLUSIVE: Alden Richards, may bagong kalaban sa 'Victor Magtanggol'

Mananatili pa rin daw na exciting at puno ng aksyon ang upcoming episodes ng GMA Telebabad series na Victor Magtanggol ayon sa lead star nitong si Alden Richards.

"Ngayon kasi mawawala na si Loki sa landas ni Hammerman. Handa na siyang i-give up 'yung pagiging superhero at bumalik sa normal niyang buhay," pahayag ng aktor sa isang eksklusibong panayam ng GMANetwork.com.

"Pero merong bagong laban at kalaban na paparating. Abangan n'yo kung sino 'yun," dagdag pa nito.

Matatandaang nagapi na si Loki (John Estrada) matapos magtulungan nina Victor, Modi (Pancho Magno) at Sif (Andrea Torres).

Pero tila nakikitaan ng kasakiman si Modi matapos niyang makuha ang mjolnir. Siya na kaya ang bagong kalaban ni Victor?

Abangan ang susunod na episodes ng Victor Magtanggol, Lunes hanggang Biyernes, pagkatapos ng 24 Oras sa GMA Telebabad.