It's another win for Voltes V matapos nitong mapatumba ang ikatlong Boazanian beastfighter na si Gardo sa pinag-uusapang action-drama sa gabi na 'Voltes V: Legacy.'
Gumamit ang Voltes V team ng isang strategy para talunin ang beastfighter samurai na bihasa sa paggamit ng espada.
Sa loob ng maikling oras na pagsasanay, natutunan agad ng lider ng grupo na si Steve Armstrong (Miguel Tanfelix) ang secret skill kung saan aalisan ng armas ang kalaban. Ito ang butterfly return technique na isa sa mga iconic scene sa Japanese anime na 'Voltes V,' kung saan base ang GMA Telebabad series.
Sa bakbakan nina Voltes V at Gardo, kinontrol ni Steve ang mga kamay ni Voltes V para ipitin ang espada ng kalaban at pigilan silang atakihin nito.
Tumalsik naman ang sandata ng halimaw pero nakuha niya itong damputin. Sa kanilang final match, naglaban ang dalawa gamit ang kanya-kanya nilang espada pero nanaig pa rin ang lakas ng laser sword ni Voltes V.
Balikan ang mga tagpong iyan sa 'Voltes V: Legacy.'
Gumanti si Voltes V sa halimaw na si Gardo na ipinadala ng imperyong Boazan.
Masyadong malakas si Gardo kaya maging ang chain knuckle weapon ng Voltes V ay kaya nitong sirain ng kanyang espada.
Hitsura pa lang, nakakatakot na ang dating ni Gardo.
Hindi naman nagpatalo si Steve Armstrong sa beastfighter nang gamitin niya ang secret skill na itinuro ng kanyang kapatid na si Big Bert.
Kinontrol ni Steve ang mga kamay ni Voltes V para ipitin ang espada ni Gardo.
Kahit ano pang lakas ni Gardo, napatalsik ni Voltes V ang armas ng Boazanian beastfighter.
Habang walang armas si Gardo, kinuha ng Voltes V team ang pagkakataon para i-activate ang kanilang laser sword.
Sadyang napakaliksi ni Gardo at nakuha pa niya ang kanyang espada bago siya atakihin ng Voltes V.
Sa huli, hindi rin nagtagumpay si Gardo laban kay Voltes V.
Sumabog si Gardo nang saksakin siya ng espada ni Voltes V sa korteng 'V.'