Barbie Forteza, Jak Roberto, at Kristoffer Martin, bibida sa ikalawang istorya ng 'Wagas'

Muling magkakatambal ang real-life couple na sina Barbie Forteza at Jak Roberto sa ikalawang istorya ng award-winning drama anthology na Wagas, ang 'Wait Lang… Is This Love?'

Ito ang kanilang ikalawang pagtatambal bilang mag-boyfriend-girlfriend at makakasama nila rito ang matalik nilang kaibigan na si Kristoffer Martin.

Kasama rin sa cast ang mga batikang actor na sina Rey Abellana, Tina Paner, at Yayo Aguila.

Makikikulit din sa 'Wait Lang… Is This Love?' sina Ayra Mariano, Ashley Ortega, Mico Aytona, Chrome Cosio, at Jun Sabayton.

Bago ang 'Wait Lang… Is This Love,?' panoorin muna ang unang istory ng Wagas, ang "Throwback Pag-ibig," na pinagbibidahan nina Sunshine Dizon, Mike Tan, Leanne Bautista, at Regine Angeles.

Panoorin ang Wagas, Lunes hanggang Biyernes, bago mag-Eat Bulaga.