Apat na GMA Records artists, nominated sa PMPC Star Awards for Music
Published On: September 10, 2015, 10:27 AM
Kabilang sa mga nominado para sa nalalapit na 7th PMPC Star Awards ang GMA Records artists na sina Julie Anne San Jose, Jennylyn Mercado, Janno Gibbs at Kylie Padilla.
By CHERRY SUN
Inanunsiyo na ang mga nominado para sa nalalapit na 7th PMPC Star Awards. Kabilang dito ang GMA Records artists na sina Julie Anne San Jose, Jennylyn Mercado, Janno Gibbs at Kylie Padilla.
Nominado sa parehong categories ang Asia’s Pop Sweetheart at My Faithful Husband star. Nominated si Julie Anne para sa kanyang album na ‘Deeper’ at si Jennylyn para sa album na ‘Never Alone’ sa kategoryang Album of the Year and Pop Album of the Year. Bahagi rin sila sa mga nominado bilang Female Pop Artist of the Year. Isa pang nominasyon ni Julie Anne ay bilang Female Concert Performer of the Year.
Ang OPM King of Soul na si Janno ay nominado bilang Male Pop Artist of the Year at Male Recording Artist of the Year. Ang carrier single ng kanyang Novela album na ‘Lalaki Lang Ako’ ay nominated din bilang ‘Novelty Song of the Year.'
Nagkamit din ng nominasyon si Kylie Padilla bilang New Female Artist of the Year para sa kanyang album na ‘Seasons.’
Igagawad ang Pilita Corrales Lifetime Achievement Award kay Rey Valera habang si Ogie Alcasid naman ang tatanggap ng Parangal Levi Celerio.
Ang awards night ng 7th PMPC Star Awards for Music ay magaganap sa October 18.
