This Gabbi Garcia OPM cover will wow you

Maliban sa pagiging aktres, pinapatunayan ng Kapuso actress at "Encantadia" star na si Gabbi Garcia na may galing rin siya sa pag-awit.

Nitong Lunes, ibinahagi ni Gabbi ang kaniyang bersiyon ng "Hanggang Kailan KIta Mahihintay" ni Paolo Valenciano.

 

hanggang kailan kita mahihintay - paolo valenciano

A post shared by Gabbi Garcia (@_gabbigarcia) on

Apr 10, 2017 at 4:13am PDT

Sa mga naunang panayam, aminado si Gabbi na music talaga ang kaniyang first love.

Aniya, "Siyempre, gusto ko sanang magkaroon ng album soon... I want it to be from me. Sincerely Gabbi. I want my first album to represent me. Ang music ko, very chill. Gitara lang. Ayoko nang masyadong birit.”

"First love ko ang music. Hopefully, ma-share ko rin 'yun sa show business," dagdag pa niya.

Mapapanood si Gabbi araw-araw bilang Sang'gre Alena sa GMA Primetime series na “Encantadia,” kasama sina Sanya Lopez, Glaiza de Castro, Ruru Madrid, Rocco Nacino, Rochelle Pangilinan, Klea Pineda, Phytos Ramirez, Inah de Belen, Arra San Agustin, at marami pang iba.

Kabilang rin siya sa star-studded cast ng hit Kapuso comedy variety show na "Sunday Pinasaya," kasama naman sina Marian Rivera, AiAi Delas Alas, Ruru Madrid, Barbie Forteza, Alden Richards, Wally Bayola, Jose Manalo, at iba pa. —Bianca Rose Dabu/JST, GMA News