GMA Brandtalk
Tracking
Archives
Sunshine Dizon says weight loss not related to her marital problems
Itinanggi ng Kapuso actress at “Ika-Anim Na Utos” star na si Sunshine Dizon na isang uri ng paghihiganti ang pagbabawas niya ng timbang matapos ang hiwalayan nila ng kaniyang asawang si Timothy Tan ngayong taon.
Ilang linggo matapos maisapubliko ang pinagdaraanan ng mag-asawa, naging kapansin-pansin ang gumagandang pangangatawan ng aktres.
Sa katunayan, naging bahagi pa nga siya ng “Don't get mad. Get beautiful” campaign ng Belo Medical Group.
Aminado ang aktres na nadagdagan ang kaniyang timbang mula nang magkaroon siya ng dalawang anak at ituon ang kaniyang oras sa pag-aalaga sa kanilang pamilya.
Gayunpaman, hindi umano niya napag-desisyunang muling magpapayat dahil sa pinagdaraanan niya ngayon.
Kuwento niya, “There was a time na I was quite big after two kids. I got so busy with taking care of the family. Everybody thought na kaya ako pumayat, why I look like this right now, is because of what happened between me and my husband. That's not actually the truth.”
“Maayos naman kami ng asawa ko when we closed the deal for the Belo endorsement. Nagkataon lang talaga lahat. It was a conscious effort and decision on my part. It's really time to look my best. It's part of the job—you have to be your best,” dagdag pa ng Kapuso actress.
Nais umanong maging inspirasyon ni Sunshine sa lahat ng kababaihan pagdating sa tamang pag-aalga sa sarili at pagkakaroon ng self-confidence, anuman ang pinagdaraanan sa buhay.
Aniya sa naunang panayam, “[I want to] empower all the women out there. Hindi nila kailangang magmukmok o umiyak. They can do something to better themselves and really push through. Dra. Vicki really wants to empower all women out there, and not only women who are going through what I’m going through. The slogan is for everybody.”
Dagdag pa ni Sunshine, "I don’t want to call it revenge kasi I’m not doing this for them. I’m doing this for myself."
#Repost @gmadrama ??? Kapag ang babae sinaktan at niloko...
A photo posted by Miss Sunshine Dizon (@m_sunshinedizon) on
Bahagi rin ngayon si Sunshine ng pinakabagong GMA Afternoon Prime series na “Ika-Anim Na Utos,” kung saan bibigyang-buhay niya si Emma, isang maybahay na pinagtaksilan ng asawa.
Malapit man ang kuwento ng teleserye sa karanasan ng aktres sa tunay na buhay, isang malaking karangalan raw para sa kaniya ang maging bahagi ng isang proyektong tumatalakay sa makatotohanan at makabuluhang kuwento.
Aniya, “Nagpasalamat na lamang ako sa oportunidad na gumanap sa ganitong kagandang character, sa ganito kagandang story. I always try to separate my personal life with work. It's only a matter of how you look at the situation. Para sa akin, trabaho lang ito at maganda storya.”
“It's a character. It will never be me. May pagkakaiba pa rin. Iba si Emma, iba ako. I refuse to say that whatever's happening with my life is intertwining with my work. Kung may similarities, kuwento lang 'yan,” dagdag pa ni Sunshine.
Kasama ng aktres na bibida sa bagong Kapuso drama series sina Gabby Concepcion, Ryza Cenon, Mike Tan, Marco Alcaraz, Rich Asuncion, Daria Ramirez, Carmen Soriano, Mel Martinez, at Arianne Bautista.
The director and cast of GMA Network's newest Afternoon Prime series, Ika-6 Na Utos. #Ika6NaUtos
A photo posted by Kapuso PR Girl (@kapusoprgirl) on
Mapapanood na ang “Ika-Anim Na Utos” sa GMA Afternoon Prime simula December 5, pagkatapos ng "Eat Bulaga!" —KBK, GMA News
