SC hiniling makialam sa kaso ng 2 UP students na nawawala

MANILA – Hiniling ni Senate Majority Leader Francis Pangilinan sa Supreme Court (SC) na atasan ang Armed Forces of the Philippines (AFP) na pahintulutan ang sibilyan na makapasok sa kanilang kampo upang hanapin ang nawawalang dalawang estudyante ng University of the Philippines (UP). “We call on the Supreme Court to issue an order to open up all military camps for inspection. Since the military is suspect to this crime, we cannot simply take their word for it. Lest we prove that this is a state-sponsored terrorism, our authorities need to show full cooperation and transparency. We are all accountable as public servants, and not even the military is exempted from this," hiling ng senador nitong Martes. Ginawa ni Pangilinan ang pakiusap matapos mabigo ang AFP na hanapin sina Sherlyn Cadapan at Karen Empeño, kapwa estudyante ng UP na sinasabing dinukot ng mga sundalo noong 2006. Inulat na sapilitang kinuha ng mga pinapaniwalang sundalo sina Cadapan at Empeno kasama ang isang magsasaka na si Manuel Merino noong Hunyo 26, 2006 sa Bulacan. Ayon sa senador hindi katanggap-tanggap ang paliwanag ng liderato ng AFP na walang kakayahan ang militar na hanapin ang dalawang estudyante kahit may kautusan ang Court of Appeals (CA). "The military's arrogant response to the CA's order to produce the missing UP students is unacceptable. They must move heaven and earth to find these students," paggiit ni Pangilinan. – GMANews.TV