Duha ka ‘amazing’ manok bida sa Ratsada

Indi man year of the chicken subong nga tuig apang bida ang duha ka manok diri sa Ratsada! Agaw pansin ining pinasahi nga manok sa Sitio Ilaya, Poblacion Jordan sa probinsya sang Guimaras. Kun ang ordinardyo nga manok may apat ka tudlo sa tiil, ining amazing manok ang may lima gid ka tudlo sa parehas nga tiil, buot silingon, pulo gid ang tudlo sini. Ang maswerte nga tag-iya amo sg Fernando Bautista. Sa umpisa, abi sini indi maglawig ang kabuhi sang iya hinuptan bangud maluwas nagasulubra ang iya tudlo, ini ang nagaki-ang ki-ang pa. Apang ini ang naglawig kag karon mga apat na ka bulan kag nangin kalingawan sg iya pamilya kag sang iya mga kabarangay. Sorry sa mga mahilig sa barbeque nga adidas bangud for your eyes only ang tiil ni amazing manok. Pero wala man nagpaulihi ang manok ni Manong Rowel Garrido sang Benidicto, Jaro. Daw ordinaryo nga manok sa una nga tulok, apang kun mag-iti... bisto ang iya ka pinasahi. Ang manok ni Manong Rowel ang indi lang isa kundi duha gid ang iya alatrasan. Good luck kun kabigon sang tag-iya ang iya pinasahi nga manok, gani doble halong gid bisan pa ginahagad ini nga iintra sa pauwak ang iya manok. — Ratsada