Mikey Arroyo hinamon si Sen Trillanes na maglabas ng katibayan

MANILA – Hinamon ni Ang Galing Pinoy party-list Rep Juan Miguel “Mikey" Arroyo si Sen Antonio Trillanes IV, na patunayan ang akusasyon nito na ang kanyang ina na si dating Pangulong Gloria Macapagal-Arroyo ang nasa likod ng korupsiyon sa Armed Forces of the Philippines (AFP). Ayon sa nakababatang Arroyo, dapat ituloy ng Senado ang imbestigasyon tungkol sa usapin ng katiwalian sa paggamit ng pondo sa militar, at dito mabuting ilabas umano ni Trillanes ang kanyang mga ebidensiya. “They (senators) are in the process of investigating this issue. Why don't they just proceed with their investigation and see where it leads to. If he (Trillanes) has suspicions which he could substantiate with concrete evidences, he should air that at the Senate investigation which, lest it be forgotten, is in aid of legislation," ayon kay Mikey. Nitong Huwebes, sinabi ni Trillanes na may posibilidad na umabot hanggang kay Gng Arroyo – kongresista na ngayon ng Pampanga – ang ginagawang imbestigasyon ng Senado tungkol sa katiwalian sa AFP. (Basahin: Trillanes: AFP corruption probe may include Arroyo) "It's not far fetched. Basta't kung saan man ito makarating doon natin ito dadalin," pahayag ni Trillanes, na umalma dahil sa kanya umano isinisisi ang pagpapakamatay ni dating Defense Sec Angelo Reyes. Sa nakaraang pagdalo ni Reyes sa Senado, ilang ulit binara nina Trillanes at Sen Jinggoy Estrada ang pagsasalita ng pumanaw na kalihim. (Basahin: Trillanes on Reyes' death: Condolence, yes; sorry, no)
For the latest Philippine news stories and videos, visit GMANews.TV Sinabi ni Trillanes na mayroong ipinadalang sulat si Reyes sa kanya na ipinadaan sa isang emisaryo kung saan kinumpirma umano ng dating kalihim na nagaganap na mga transaksiyon mula sa “itaas." "Meron daw transaksyon na dumadaan sa kanya galing sa taas pero wala daw siyang kinukuha doon," paliwanag umano ni Reyes sa sulat. Ayon kay Mikey, hindi dapat gamitin ni Trillanes ang kanyang ina para makakuha ng media exposure. “He should not use the media as launching pad for baseless statements. I would like to remind the good senator that the great power of parliamentary immunity comes with parliamentary courtesy," paalala ng nakababatang Arroyo. Ngunit kung si Gabriela Rep. Luzviminda Ilagan ang tatanungin, naniniwala ito na tama ang hinala ni Trillanes na maaaring sangkot si Gng Arroyo sa alegasyon ng katiwalian na kinakaharap ni dating AFP comptroller (ret) Major Gen. Carlos Garcia. Pinayuhan naman ni Bayan Muna party-list Rep. Neri Colmenares si Garcia na isiwalat na ang lahat ng nalalaman tungkol sa katiwalian sa AFP. “From all indications, Gen. Garcia as he himself admitted is just fronting for someone more powerful than he is. He should now tell the truth," anang kongresista. “It is imperative upon the Senate and the House of Representatives in the course of their investigations on the corruption in the AFP to also unearth the person or persons behind Garcia." - GMA News