Willie Revillame sued by DSWD for child abuse

Kasong child abuse ang isinampa ng Department of Social Welfare and Development (DWSD) laban sa controversial TV host na si Willie Revillame. Inakusahan ng DSWD na nilabag umano ni Willie ang Republic Act No. 7610 o Special Protection of Children Against Abuse, Exploitation and Discrimination Act, ayon sa ulat ng Chika Minute ng GMA news 24 Oras nitong Huwebes. Ang reklamo ay nag-ugat sa March 12 episode ng programa ni Willie kung saan nagsayaw ng tila macho dancer ang isang anim na taong gulang na batang lalaki. Sinabi naman ng abogado ni Willie na si Atty Leonard de Vera, na nakahanda silang harapin ang reklamo.
For the latest Philippine news stories and videos, visit GMANews.TV Ito raw ang pagkakataon para patunayan nilang hindi naabuso ang bata sa programa ni Willie, na tinawag na si "Jan-Jan." Sa hiwalay na pahayag ni De Vera, iginiit niya na ang reklamo laban sa kanyang kliyente ay batay umano sa “pinutol" na video footage na lumabas sa Youtube sa Internet. Tumagal umano ng 48 minuto ang kabuuang paglabas ni “Jan-Jan" sa March 12 episode, samantalang walong minuto lang ang ipinakita sa Youtube. “The first time he danced, Jan-Jan cried because he became afraid of [former cager] Bonnel Balingit and also out of happiness that he made it to the show with the help of his parents, besting in the process some 3,000 other boys and girls who auditioned," ayon kay De Vera. Idinagdag niya na: “The second, third and fourth times Jan-Jan danced he was not crying and was in fact clearly enjoying the moment. It was only during his fifth dance that he also cried a little because by then it has already been announced that he had lost in the contest. But on his sixth dance on the elevated platform, Jan-Jan was not crying." - FRJimenez, GMA News