Bata nadat-ugan sa punuan sa buli, patay

Tungod sa kusog nga uwan ug hangin nga dala sa bagyong Sendong niadtong Disyembre 16, nabali ug nidat-ug sa panimalay sa banay’ng Cortes sa Sitio Kalubihan, barangay Labogon sa syudad sa Mandaue ang dakong punuan sa kahoy nga buli. Patay diha-diha dayon ang diyes anyos nga si Antonio Cortes nga nadat-ugan sa kahoy ug natasok usab sa mga kabilya gikan sa nagusbat nilang panimalay. “Naano po kami ng yero kaya yung isa po na ano dun sa ‘baba. Di yung kapatid ko po tinulungan ko po, yung tatlo kong kapatid na maliliit. Inilabas po ng tatlong lalake” saysay sa katorse anyos nga igsoon sa namatay. Pagkakita sa mga opisyal sa barangay, dili na masalbar pa ang bata. “Napiit gyud siya, napiit sa sen (galvanized iron). Wa na jud siyay kinabuhi gyud. Lisud man ug hilabtan pa namo unya wala naman gyud kinabuhi gyud. Inig buhi pa amo gyud unta tabangan pero wala naman, wala na namo hilabti” pasabot ni Celnor Punay, usa sa mga barangay tanod nga miresponde sa panghitabo. Sa pagkakaron, gihaya na ang patay’ng lawas sa bata. — Gregy Magdadaro /GMA Cebu