Newest buffet restos in the Metro sa 'Pop Talk'

POP TALK

NEWEST BUFFET RESTOS IN THE METRO

Airing date: April 10, 2012

 

Hinalughog ni Tonipet Gaba ang Kalakhang Maynila para sa pinakabagong kainan-all-you-can restos in the metro.  Aalamin natin kung alin sa mga ito ang Pop o Flop dahil siguradong ngayong summer ay umaatikabong chibugan ang gusto niyo!

 

Kasama sa hamon na kumain si Chef Ed Bugia na isang restaurateur mula sa Academy for International Culinary Arts at Global Culinary and Hospitality Academy.  Nariyan din ang daddy reviewer na si Lorenz Martinez na isang international theater actor, at pati na ang miyembro ng tanyag na vocal group na 'The Company' na si Sweet Plantado.

 

Ang Scandinavian smorgasboard ng Vikings Restaurant sa Pasay City ang una nilang nilantakan.  Sa Parañaque City naman nila sinubukan ang P280 buffet ng Mongolian Rice Bowls.  Ang huli ay sa Quezon City kung nasaan ang Casa Filipino Restaurant ng mag-asawang chefs na sina Rolando at Jackie Laudico. Appetizers, pica-pica, salad, sabaw, inihaw at roasted, baked o fried, dessert o ulam, Japanese, Italian, o Filipino cuisine man.wala tayong uurungan!

 

Aalamin naman ni Boobay sa Pop Stop kung saan mas enjoy lumangoy ang Pinoy---sa beach o sa swimming pool?  Ano nga ba ang pulso ng masa sa mainit na isyung ito?

 

Tutok na ngayong Martes sa Pop Talk, 10pm sa GMA NewsTV!