Dalawa katao ang dinakip ng mga pulis sa isinagawang pagsalakay sa isang bar sa Cebu City para sagipin ang mga menor de-edad na empleyado.

Sa ulat ng Balita Pilipinas Ngayon ng GMA News TV nitong Martes, sinabing ang dinakip ng mga operatiba ay ang manager at kapatid ng may-ari ng bar.

Isinagawa ang pagsalakay ng mga operatiba dahil sa ulat na may mga menor de-edad na nagtatrabaho doon. Sa raid, naaktuhan din umano na may ilang babae na nagsasayaw nang nakahubad.

Umabot sa 18 babae ang nasagip kasama na ang ilang menor de-edad na dinala sa tanggapan ng Department of Social Welfare and Development.

Samantala, inamin umano ng mga inarestong tagapamahala ng bar na may mga menor de-edad nga silang empleyado.

Nahaharap sila sa kasong paglabag sa human trafficking act. – FRJ, GMA News