Ban sa aerial spraying giduso

Giduso sa committee on agriculture, health, and environment ngadto sa Davao City council nga idili ang aerial spraying sa banana plantation duol sa Lipadas River ug Lipadas Watershed, nga tinubdan sa 97 porsyento sa konsumo sa tubig sa Davao city. Subay sa committee report, angay gyud nga did-an ang mga mga tag-iya sa banana plantations sa paggamit og aerial spray gamit ang pestisidyo ug abono sa sagingan kay napamatud-an nga makadaot sa panglawas ug mga pananum sa mga silingang barangay. Hugot nga gipamatud-an sa mga testigo ug mga pagduki-duki nga nagnadaot ang mga lubi ug ubang mga pananum sa mga sikbit nga lugar sa plantaions. Dungang pa, gikatahong ubay-ubay na ang nagkasakit nga gidudahang resulta sa mga kemikal nga makahilo nga ginagamit sa sagingang. Usab gikataho nga namiligro ang suplay sa tubig tungod sa kontaminasyon sa mga makahilong kemikal nga gituuhang gikan sa banana plantations. -Testigo