Kapuso series na My Husband’s Lover, pinuri maging ng talents mula sa ibang network

Tila hindi lang mga Kapuso ang nahuhumaling sa pinag-uusapang GMA-7 series na My Husband's Lover. Maging ang ilang celebrities mula sa ibang network tulad nina Kris Aquino at Vice Ganda, nagpahayag ng pagpuri sa husay ng mga bida sa serye. Ang My Husband's Lover na tumatalakay sa kwento ng pamilya, relasyon ng mag-asawa, at mister na may kalaguyong kapwa lalaki. Pinagbibidahan ito nina Carla Abellana, Dennis Trillo at Tom Rodriguez. Sa ulat ni Nerisa Almo na lumabas sa Philippine Entertainment Portal (PEP) nitong Huwebes, sinabi nito na labis ang kasiyahan ni Dennis sa natanggap na text message mula kay Kris. Nag-post din ng larawan ang aktor sa Instagram na screenshot ng mensahe ng TV host-actress na si Kris: “Hi Dennis. I asked Popoy for your # so I could tell u just how superb u r in My Husband’s Lover. Congratulations. From dialogue delivery to body language, u r just so genuine in ur portrayal! I’m now a HUGE fan.” Idinagdag sa ulat na naglagay si Dennis ng caption sa litrato ng, “This Made My Day… Thank you!!!” Nitong nakaraang linggo, nag-upload din si Carla sa kanyang Instagram account ng photo collage ng mga Twitter message na natanggap niya mula sa ilang kapwa artista. Nakagay dito ang caption na, “What network war?” Sinabi sa ulat na ang mga mensahe ay nagmula kuna Vice Ganda, Chokoleit, radio DJ Mr. Fu at television director Joey Reyes. Nakasaad sa tweet ni Direk Joey (@DirekJoey): “Face it: #MyHusbandsLover is not only about Dennis & Tom. It is pretty much about Carla Abellana who is proving herself to be an ACTRESS.” Habang si Chokoleie (@chokoleitWITS): “After Iza Calzado left GMA, Carla Abellana shines bright, proving she has all the makings of an ACTRESS in it’s real sense. Swabe, sakto.” Simple naman ang mensahe kay Carla ni Mr. Fu (@mrfu_mayganon): “i love you, carla abellana.” Pinuri naman ni Vice Ganda sina Carla at Tom sa naging eksena kung saan nabisto na ng karakter ni Carla ang relasyon nina Dennis at Tom. Likewise, Vice Ganda’s Twitter post praised Carla and the show’s other leading man, Tom Rodriguez. Ayon kay Vice Ganda (@vicegandako): “Superb acting Carla Abellana and Tom Rodriguez!!! I was moved.” Napapanood ang My Husband's Lover mula Lunes hanggang Biyernes sa GMA 7 pagkatapos ng Mundo Mo'y Akin. -- FRJ, GMA News