Unang araw ng fund raising campaign ni Justin Bieber para sa 'Yolanda' (Haiyan) victims, mahigit $400k na

Help others http://t.co/8CFNzZbuXv pic.twitter.com/4JIM8RgpWh

— Justin Bieber (@justinbieber) December 6, 2013

Nagpasalamat ang international pop superstar na si Justin Bieber sa tagumpay ng inilunsad niyang online fund raising campaign para sa mga sinalanta ng bagyong  "Yolanda" (Haiyan).

Sa kaniyang Twitter account, ibinalita ni Justin na umabot na sa mahigit $400,000 ang nalikom na pondo ng #‎GiveBackPhilippines campaign sa unang araw pa lamang ng paglulunsad nito.

"Just heard how much we have raised already!! U are all amazing. Keep helping to #GiveBackPhilippines here- http://www.prizeo.com/Justin  thank u!!," saad sa post ni Justin.

Una rito, inihayag ng international singer ang kanyang paglulunsad ng tinawag niyang "a very special campaign for the Typhoon Haiyan relief efforts" para makatulong sa mga Pilipino na sinalanta ng bagyo.

Nagsisimula sa $10 ang donasyon at sa bawat kategorya (o halaga ng donasyon) ay may nakalaang gantimpala si Justin sa mga mapipiling donor gaya ang makasama siya, o makatanggap ng mga regalo tulad ng limited edition t-shirt ng #‎GiveBackPhilippines campaign.

Nakasaad sa naturang campaig:
 
"Hey guys – it's Justin,

"In the wake of Typhoon Haiyan, its victims in the Philippines need our help — and they need it now. That's why I've decided to partner with Prizeo to raise vital funds for the relief effort.
 
"I'm doing something I've never done before: for just a tiny donation to the relief effort, you'll be automatically entered for a chance to hang out with me in the studio early next year and watch me record some new music. I'll fly you and a friend over to join me in LA from wherever you are in the world. It's gonna be awesome. 
 
"Not only that, but at different donation levels you'll receive guaranteed rewards, as well as more chances to win the grand prize.
 
This is something I've never done before, and I'm so excited to hang out with one of my Beliebers." 

Ang malilikom na pondo ay mapupunta umano sa Action Against Hunger, UNICEF at Philam Foundation.  

Target ni Justin na makalikom ng $1 milyon pondo pero kahit may natitira pang walong araw bago magsara ang kanilang fund raising campaign, nakalista sa website nito (dakong 4:30 p.m. Philippine time) na mahigit $480,000 na ang pumasok na pondo. -- FRJimenez, GMA News