Gab Valenciano at nobyang fashion blogger, ikinasal na

Ikinasal na ang anak ni Gary Valenciano na si Gab sa girlfriend nito na Filipino-Australian na si Tricia Centenera.

Sa "Chika Minute" report ni Cata Tibayan sa GMA News 24 Oras nitong Biyernes, sinabing sa isang exclusive membership resort sa Tagaytay ginanap ang kasalan.

Meet Joe Black inspired daw ang wedding theme, at wish ng bride na all white ang mangibabaw sa kasal.



Blooming ang bride sa suot na traje-de-boda na tadtad ng embroidery at swarovski crystals.

Dumating naman si Gab sakay ng isang motorsiklo.

Present sa kasalan ang iba't ibang showbiz personalities at fashion icons, kabilang na si Iya Villayana-Arellano.

Tatlong taon magkasintahan sina Gab at Trish bago nagpakasal.

Isinantabi daw ni Trish ang hosting career sa Australia para kay Gab na nakabase na ngayon sa Amerika.

All the best naman ang panalangin nina Gary Valenciano at Angelica Pangilinan sa kanilang anak na si Gab at sa bagong miyembro ng pamilya na si Trish.

Pagkatapos ng kasal sa Tagaytay, magkakaroon ng wedding reception sina Gab at Trish sa Boracay sa susunod na linggo.

Trip sa Paris para sa kanilang honeymoon ang regalo ni Gab sa kaniyang wife, habang sky diving lessons naman sa Amerika ang regalo ni Trish kay Gab. -- FRJ, GMA News