Veteran singer-actress Elizabeth Ramsey suffers stroke

Nakaratay ngayon sa ospital ang batikang singer na si Elizabeth Ramsey matapos makaranas ng stoke, ayon sa kaniyang anak na si Jaya.

Sa Facebook post ni Jaya nitong Huwebes ng gabi, sinabi ng Queen of Soul na, "my mama had a stroke today, I'm at my saddest but still praise God for He is in control!!! Please if you can, say a little prayer for my dearest mother. Thank you."

Nitong Biyernes, isang mensahe muli ang ipinost ni Jaya at nagpasalamat sa lahat ng nagdasal para sa kaniyang ina.
 
"Thank you to all of you who prayed for Mama Beth. God bless all of you and will update you soon of her condition, but I promise you, prayers really work!!!! God be praised for his mercy," anang mang-aawit.
 

Bukod sa pagkilala sa kaniya bilang "Queen of Rock and Roll," kinagigiliwan ng publiko ang 83-anyos na si Elizabeth dahil sa husay nito sa pagpapatawa.

Itinuturing ni Elizabeth na big break sa kaniyang singing career ang pagkapanalo niya sa singing contest sa telebisyon na Student Canteen. -- FRJ, GMA News