'AlDub' tandem, mapapanood sa pelikulang kalahok sa MMFF

Lalong magiging masaya ang darating na Pasko ng mga tagasuporta ng tambalang "AlDub" nina Alden Richard at Maine "Yaya Dub" Mendoza.
 
Sa pamamagitan ng isang Twitter post, nagpahiwatig ni Direk Mike Tuviera na kasama na rin si Maine sa pelikulang "My Bebe Love" na pagbibidahan nina Vic Sotto at AiAi Delas Alas.
 
"Maine. MMFF 2015. Merry Christmas, #AlDubNation!!!! #ALDUBForTALKNTEXT," saad sa Twitter post ni Direk Mike, anak ni Antonio Tuviera, ang chairman ng Tape Inc. na namamahala sa Eat Bulaga.
 

Maine. MMFF 2015. Merry Christmas, #AlDubNation!!!! #ALDUBForTALKNTEXT

— Michael Tuviera (@DirekMike) September 15, 2015

 
Una rito, sinabi nitong nakaraang linggo ni Joey Reyes, direktor ng "My Bebe Love,"  na tiyak nang kasali sa pelikula si Alden pero hindi pa sigurado si Maine dahil sa ilang usapin tulad ng schedule nito sa kalyeserye ng Eat Bulaga.

Pero nitong Martes, nag-post din si Direk Joey ng mga larawan sa kaniyang social media account na kasama si Maine. Kaagad namang nagkomento at nagtanong ang maraming supporters ng AlDub tandem kung magkakasama na rin ba ang kinilalang dubmash queen sa naturang pelikula.

Isa sa mga larawan ni Direk Joey ang may nakasaad na, "ALAM NA."
 

 

ALAM NA.

A photo posted by @direkjoey on

Sep 15, 2015 at 4:46am PDT

 
Ang AlDub tandem ay itinuturing phenomenal love team dahil sa tindi ng suporta ng publiko na nagsimula sa tinawag na kalyeserye ng Eat Bulaga.

Mula nang mabuo ang kanilang tambalan noong Hulyo, dalawang beses pa lang nagkikita nang personal si Alden at Maine.

Pero sa kabila nito, nakagawa na kaagad sila ng dalawang major product endorsement kahit hindi rin personal na magkasama sa naturang commercial. -- FRJ, GMA News