'God Gave Me You' singer Bryan White plans PHL tour following AlDub success

Naging bahagi ang buong mundo sa record-breaking na Kalyeserye episode nitong Sabado matapos umabot ng higit sa 12 million tweets and #ALDUBMostAwaitedDate sa loob lamang ng 24 oras.

 

Halos maaabot na nga ng phenomenal loveteam na AlDub ang lahat ng Pilipino sa buong mundo, ngunit nitong Sabado, tila napukaw na rin nila ang atensyon ng American country music artist na si Bryan White, ang orihinal na kumanta ng "God Gave Me You."

 

Itinuturing na isa sa mga theme songs ng AlDub ang naturang kanta dahil sa dalas nitong mai-dubsmash ng Pambansang Bae na si Alden Richards upang pakiligin ang Dubsmash Queen ng Pilipinas na si Maine Mendoza a.k.a. Yaya Dub.

 

Ilang fans ang nagsabi kay White hinggil sa pagsikat ng kaniyang kanta sa Pilipinas dahil sa AlDub.

 

Wow! Thank you! I'm so grateful #GGMY https://t.co/UP9boGMLmJ

— bryan_white (@bryan_white) September 19, 2015

 

Kaugnay nito, plano umanong bumisita ni White sa Pilipinas upang pagbigyan ang kaliwa't kanang requests mula sa fans niya at ng AlDub.

 

Sa isang Facebook video post niya nitong Sabado, sinabi ng singer na binabalak na niyang bumisita sa Pilipinas sa lalong madaling panahon bilang pasasalamat sa pagsuporta sa kaniyang awitin matapos ang higit sa 10 taon mula nang ginawa niya ito.

 

“I just want to say a great big thank you to all my Filipino fans and Asian fans out there. I'm so excited by all that is happening with 'God Gave Me You.' It's crazy, after how many years, it's become a really big success in your country and I can't thank you enough for the support and just you, guys, loving the song so much,” aniya.

 

“I can't believe how a song travels and where it's gonna end up and what's gonna happen with it. I've been thinking about it all day and I promise we'll see you soon. We're actually working right now on a tour in the Philippines. So, we will definitely see you soon... Thank you so much. I'm so glad God gave me you,” dagdag pa ni White.

 

 

Thank you! We are working on it right now. Hope to be there soon! We will let you know #AlDubNation #GGMY https://t.co/D9ltKR1v2E

— bryan_white (@bryan_white) September 19, 2015

 

—ALG, GMA News