Epy Quizon bags best actor award in 2015 International Film Festival Manhattan

Nanalo ang aktor na si Epy Quizon sa 2015 International Film Festival Manhattan sa New York City kamakailan lamang para sa kaniyang pagganap sa 2014 Singaporean satirical drama na pinamagatang “Unlucky Plaza.”

 

Ginampanan ni Epy sa naturang pelikula ang karakter ng isang hostage-taker na dating may-ari ng isa sa pinakasikat na Filipino diner sa Singapore.

 

Labis naman ang paghanga sa kaniya ng mga kapwa artistang Pilipino, lalo na ang kaniyang kapatid na si Eric Quizon.

 

Ayon kay Eric sa isang Instagram post, “Congratulations to my brother Epy Quizon @epyq for winning Best Actor at the recently concluded 2015 International Film Festival Manhattan in NYC! You deserve it! #bestactor #international #film #festival #globalpinoy #proud #brother #quizon” https://instagram.com/p/9QFG-AtMdV/

 

Bukod sa karangalang ito, bahagi rin si Epy ng premyadong cast ng historical biopic na “Heneral Luna,” na napiling pambato ng Pilipinas sa Best Foreign Language Film category ng Academy Awards sa 2016.

 

JUST IN! Our lead actor @epyquizon won BEST ACTOR at @IFFMnewyork. Congrats "Mr. Onassis Hernandez"! #UnluckPlaza pic.twitter.com/YoHiJbz9WU

— UnluckyPlaza (@UnluckyPlaza) October 23, 2015

 

Kabilang din sa mga Pilipinong pinarangalan sa naturang film festival si Aiko Melendez, na ginawaran ng Best Actress award para sa kaniyang pagganap sa pelikulang “Asintado.” 
 

Hinirang naman na Best Ensemble ang cast ng “Lihis” na pinangunahan ng direktor na si Joel Lamangan, habang Best Feature Film naman ang “Sundalong Kanin” ni Janice O' Hara, at Best Student Film ang “Yolanda” nina Krizia May Villanueva at Jennlyn Castillejo. —ALG, GMA News