Megan Young talks about relationship with ‘travel buddy’ Mikael Daez

Magiliw na ibinabahagi ng Kapuso artists na sina Megan Young at Mikael Daez ang kani-kanilang mga larawan at videos mula sa iba't ibang travel destination sa loob man o labas ng bansa

Kabilang sa mga napuntahan nila ang Singapore, South Africa, Japan, La Union, Culibra Island sa Pangasinan, Secret Beach sa Subic Bay, at marami pang iba.

Ayon kay Megan sa naganap na press conference para sa “Conan My Beautician” nitong Martes, nais nilang ibahagi sa publiko ang kanilang travel adventures dahil nais rin nilang maipakita sa mga tao kung sino sila sa likod ng camera.

“When it comes to me and my personal life, I try to keep as much as I can to myself because so much of us as personalities are really out there. Whatever I share online, that's something really special that I like to share,” aniya.

Dagdag pa ng Kapuso actress at beauty queen, “The videos that we share of our travels, that's something genuine that we want to share with everyone. How we are as people, behind the camera. That's something we enjoy together, and we're happy that people enjoy watching the videos that we post about our lives.”

Isa raw sa mga pinakapaboritong travel destination nina Megan at Mikael ang Japan dahil bukod sa magagandang tanawin at mayamang kultura, marami rin daw silang natikmang masasarap na pagkain dito.

Kuwento ng Miss World 2013 titleholder, “'Yung Japan trip ang na-enjoy namin kasi major food trip talaga. It was our first time together in Japan. Since we're older now, we get to enjoy a place more because mas na-aapreciate namin ang mga bagay-bagay like food, the drinks, the culture.”

Kabilang si Megan sa mga bibida sa upcoming Kapuso comedy series na “Conan My Beautician” na ipapalabas na ngayong Linggo, June 26, kasama sina Mark Herras, Cacai Bautista, Lotlot de Leon, Jay Manalo, Jerald Napoles, Betong Sumaya, Boopsie, Tetay, Chlaui Malayao, Balang, Vangie Labalan, at marami pang iba. — Bianca Rose Dabu/AT, GMA News