Bianca Umali and Miguel Tanfelix paired anew for GMA-7 mini-series

Excited na ang GMA-7 teen star na si Bianca Umali upang makasama muli ang love team partner na si Miguel Tanfelix sa GMA-7 weekly mini-series na URL: Usapang Real Love.

Sa September 25, magsisimulang ipalabas ang nasabing programa sa Kapuso network.

Ayon kay Bianca, ito ang kauna-unahang beses na gagawin ng Kapuso network ang isang 'interactive program' kung saan maaring makasama sa eksena ang ilang viewers sa pamamagitan ng social media.

Aniya, 'It is the first-ever interactive rom-com of GMA. 'Pag sinabi naming interactive, it means that while shooting, it's possible for our fans na maka-interact or makasama sa mga eksena naming through Skype, so live.'

Sina Bianca at Miguel ang unang magbibida sa nasabing mini-series. Kasama din nila ang Kapuso hunk na si Jak Roberto, Yayo Agila, Lloyd Samartino, Ces Quesada, at Gene Padilla.

Saad pa ng teen star, 'Per month nagche-change so Miguel and I are the pilot episode for URL so kami yung first month. Tapos the next month, different story, different love team naman.'

Nakapanayam ng PEP.ph (Philippine Entertainment Portal) si Bianca tungkol sa kanyang upcoming TV series sa Converse Philippines Fall/Holiday 2016 press preview na naganap noong September 5 sa Sky High Bar sa Pasig City.

Iikot ang istorya ng pilot story ng nasabing mini-series sa love triangle sa pagitan nina Bianca, Miguel, at Jak Roberto.

Si Bianca ay gaganap bilang si Grace na magkakagusto sa character ni Chef Yuan na gagampanan ni Jak. Samantala, si Miguel naman ang gaganap bilang si Diego na may lihim na pagtingin kay Grace.

'My name dun si Grace, and si Miguel, yung name niya si Diego. If you know Jak Roberto, he's also part of it and siya naman si Chef Yuan,' kuwento ni Bianca.

Patuloy nito, 'Si Grace, ultimate crush niya si Chef Yuan but then may secret na si Diego pala yung totoong gumagawa nung reason kung bakit ko crush na crush si Chef Yuan.'

Umaasa si Bianca na marami silang mapapakilig sa kanilang pagganap sa nasabing kapuso mini-series. Sabi pa nito, 'Yun naman talaga yung aim namin na magpakilig and magpa-good vibes ng people.'

Bukod sa Usapang Real Love, ang Ismol family ang isa sa pinagkakaabalahan ng BiGuel love team.

Ngunit may paparating pa raw silang projects sa Kapuso network. 'We have upcoming projects but we don't want to spoil them yet,' ani Bianca.

Malaki naman ang pasasalamat ng Kapuso actress na maging ng kapareha nito na si Miguel dahil sa mga oportunidad na ibinibigay ng kanilang home network.

Pahayag ni Bianca, 'We both say na we are very thankful and very blessed kasi hindi naman talaga namin inakala parehas na makakarating kami dito as a love team. We both grew together and are growing together din so very thankful.' -- For more showbiz news, visit PEP.ph