Duterte asks Heart Evangelista to recreate a famous painting – with a twist!

Hindi naitago ng Kapuso actress na si Heart Evangelista ang kaniyang excitement nang makaharap si President Rodrigo Duterte nitong Linggo sa Davao City.

Ayon kay Heart, nagkaroon siya ng pagkakataong makausap ang Presidente tungkol sa kaniyang pag-aartista at pagiging painter.

“He was very friendly. We talked about my paintings and pag-aartista. It wasn't so formal, he was very relaxed. It was a sit-down meeting, and it was nice to get to know him. He's very funny and he took his time,” kuwento niya sa panayam ng GMA News.

Dahil naipasilip ni Heart kay Pangulong Duterte ang kaniyang mga obra, nag-request daw ito sa kaniya ng isang painting.

Aniya, “He joked about me painting The Last Supper, pero ibahin ko daw ang hitsura ni Judas. Gawin ko raw guwapo naman. Something like that. Titignan ko kung kaya ko 'yun. Medyo madugo 'yun.”

“I will definitely give him one of my paintings. But I'm not sure if it's going to be The Last Supper. Na-pressure ako doon,” natatawang pahayag ng Kapuso actress.

 

Showing the president my paintings ????????

A photo posted by Love Marie Ongpauco Escudero (@iamhearte) on

Sep 18, 2016 at 7:51am PDT

Maliban sa pagpapayo na ipagpatuloy ni Heart ang kaniyang pag-aartista at pagpipinta, nagbahagi rin daw ng mga nakakatuwang kuwento ang Pangulo sa aktres at iba pa nilang kasamahan.

Ayon kay Heart, “May sarili pa siyang version ng kuwento ni Da Vinci or something about the painting of The Last Supper. Ang haba ng kuwento niya, tapos imbento niya lang pala. Super cute.”

“He was very, very kind. I didn't expect him to be so very sweet, soft-spoken. He funny and very gracious. It was very normal. In the beginning, I was very nervous to meet him. Who gets to meet the President like that? But it was very casual. He was very normal. I appreciated it. Parang hindi siya Presidente,” kuwento pa ng aktres.

Matapos ang pagbida niya sa Kapuso Primetime series na “Juan Happy Love Story,” abala ngayon si Heart sa kaniyang art projects, kabilang na ang kaniyang perfume line, clothing line, clutch bag line, at isang natatanging collaboration kasama ang isang Parisian brand. — RSJ, GMA News