Linog mitay-og sa Bantayan Island

Gitay-og ang Bantayan Island og linog nga nagtala og intensity 2, buntag niining Biyernes. Nabatyagan ang linog sa mga kalungsuran sa Bantayan, Sta. Fe ug Madredejos. Gitay-og usab ang gagmayng mga isla nga nag-alirong sa isla sa Bantayan. Walay taho sa kadaut nga nadawat ang Philippine Institute of Volcanology and Seismology (Phivolcs). Matod sa Phivolcs, layo ra sa kakuyaw ang mga linog nga ubos sa intensity 6. Laing linog usab ang nabatyagan mga 5:43 sa buntag sa Leyte ug Samar areas. Nitala ang linog og intensity 4 nga niigo sa Borongan, Samar. Intensity 3 ang niigo sa Palo, Leyte; Lagnin Hills, Albay ug Bulusan, Sorsogon. - Balitang Bisdak