Matt Lozano, ibinahagi ang pag-disinfect ng kanilang bahay matapos gumaling sa COVID-19

Sa paggaling ni Matt Lozano sa COVID-19 (), pag-sanitize naman ng bahay ang kanyang pinagkaabalahan.

Sa latest YouTube vlog ni Matt, ipinasilip niya ang pag-disinfect ng isang team sa kanilang bahay, pati na rin sa kanyang online food business na Lozano's Kitchen.

Ayon kay Matt, nag-hire sila ng isang team para masiguradong maayos na madi-disinfect ang kanilang bahay. Ito rin ay upang masimulan na muli ang kanilang negosyo.

Today I will share some of the footage ng pag-disinfect ng bahay namin," sabi ni Matt.

"We hired a close friend of my dad who happens to have a disinfecting services.

We called him kasi nga gusto naming ma-disinfect 'yung buong bahay namin para naman makapag-resume na kami at makapagluto na ulit sa Lozano's Kitchen."

Ayon sa video na-disinfect ang lahat ng bahagi ng kanilang bahay pati na rin ang kanyang studio at ang food preparation area ng kanilang negosyo.

Nito lamang August nang inilahad ni Matt ang kanyang COVID-19 story.

Bukod sa kanya, nag-positibo rin ang kanyang ama, ina, kapatid, at lola.

Give Me 5: Matt Lozano's top 5 dishes from his food business

Matt Lozano, masaya na nakabalik siya ng showbiz