Barbie Forteza, Jak Roberto have a special Christmas gift exchange

Hindi binigo ng magkasintahang Barbie Forteza at Jak Roberto ang mga naghihintay na matuloy ang kanilang exchange gifts ngayong Pasko.

Ito ay sa kabila ng unang pahayag ng Kapuso actress na bawal muna sila magpalitan ng regalo ng kaniyang boyfriend at kapuwa Kapuso star.

Ang balitang ito ay umani ng ilang nakatutuwang reaksiyon mula sa netizens.

Sa katunayan, bago ang Pasko ang sumakay din sa biruan ang magkasintahang Barbie at Jak sa biruang ito.

Bago matapos ang araw ng Pasko, hindi nakatiis ang dalawa at tinuloy pa rin nina Barbie at Jak ang kanilang exchange gifts.

Sa Twitter video na in-upload ng aktres, tinanong niya ang kaniyang boyfriend, “Alam mo ba kung ano ang exchange gift ko sa 'yo?”

Nang tanungin ni Jak kung ano, binigyan siya ni Barbie ng isang halik sa pisngi.

Binigyan din ng binatang aktor ng halik sa pisngi ang kaniyang girlfriend.

Mapapansin na sinakyan lang ng dalawa ang biruan tungkol sa kanila dahil sa caption, ginamit pa ni Barbie ang “JakBieExchangeGift.”

Abangan muling pagsasasama nina Barbie at Jak sa bagong teleserye ng GMA, ang Kara Mia, sa 2019.