Around GMA

Article Inside Page

Matipid magbigay ng panayam ang celebrity stylist na si Liz Uy lalo na tungkol sa pribado niyang buhay.

Pero sa latest vlog ng nakababatang kapatid niyang si Laureen Uy, game na kumasa sa 'Never Have I Ever' challenge ang preggy mom.

Isa sa diretsahang kinumpirma nina Liz at Laureen ay minsan na nilang ini-stalk ang kanilang mga ex-boyfriend sa social media.

Paliwanag ni Laureen, “Hoy! 'Pag ikaw nagsinungaling at sinabing I haven't--you are a liar.”

Napahirit tuloy si Liz sa dati nilang ginagawa ng kaibigan na si former Eat Bulaga host Isabelle Daza.

“Girl! Ako nga hindi boyfriend i-istalk ko [smiles]. Mga crush ko sa [inaudible] i-istalk ko, hello.

“Mga one hour kami ni Isabelle Daza noon.”

Sabat uli ni Laureen, “Nilalag pa.”

Hindi rin napigilan nina Liz at Laureen na matawa nang matanong kung na-text din ba nila dati ang kanilang ex-partner nang malasing sila minsan.

Pag-amin ni Liz sa vlog, “Girl, kahit hindi lasing.

“Kunwari na lang drunk ako.. youth talaga.

“Kunwari na lang lasing ako, 'pag napahiya ka na lang--lasing lang ako kagabi.”

Dating naging boyfriend ni Liz Uy ang bankable TV-movie actor na si John Lloyd Cruz.

Baby prep

Busy na si Liz sa nalalapit niyang panganganak sa kanilang second baby ng kanyang asawang si businessman Raymond Racaza.

Matatandaang kinumpirma sa isang column na isinulat ni Liz noong Disyembre sa The Philippine Star Life na bukod sa kasal na siya ay may bago silang baby ni Raymond.

Samantala, ibinahagi din ng celebrity mom na tapos na ang magiging baby room ng kanyang bagong supling.

Napili nito ang home decorator at pinsan niyang si Elle Uy para i-design ito.

Sa vlog din ni Elle, ibinahagi ni Mommy Liz kung paano unti-unti nabuo ang design inspiration niya para sa kuwarto.

Saad niya, “You have so many plans in your head--minimal lang, color white lang 'yung walls ko, walang curtains.

“Actually, hindi nga minimal [design]. Iba naman lagi 'yung nasa isip ko and then eventually iba 'yung execution, because along the way, when you find a cute wallpaper, 'Ay ang cute!'

“It changes your plan.”

Silipin ang pretty photos ng second-time mom na si Liz Uy sa gallery below.