Jessica Villarubin at Boobay, nakisaya sa mga OFW sa South Korea
Nakiisa ang The Clash season three grand champion na si Jessica Villarubin at comedian/host na si Boobay sa pagdiriwang ng Balik Saya Sa South Korea! event, na inorganisa ng Department of Migrant Workers at Overseas Workers Welfare Administration (OWWA).
Ginanap ito noong March 26 sa Dongseung High School Auditorium sa Seoul, South Korea.
Nag-perform sina Jessica at Boobay para sa kanilang mga kababayan doon. Guest din ang OWWA administrator na si Arnell Ignacio sa nasabing pagtitipon ng mga OFW sa South Korea.
Sa kanyang Instagram account, ibinahagi ni Jessica ang kanyang experience na makapag-perform at maka-bonding ang mga Pinoy na dumalo sa Balik Saya Sa South Korea!
Sabi niya, "Such a day to remember.
"Got a chance to perform for our kababayans in South Korea. I am truly moved by their talents and inspired by their stories!
"I am so honored for this opportunity. Special thanks to OWWA and Paramount Life and General Insurance.
"Maraming salamat!"
Nagkaroon din ng courtesy visit sina Jessica at Boobay sa Philippine Embassy sa South Korea.
Samantala, sinulit naman nina Jessica at Boobay ang kanilang short trip sa bansa sa pamamagitan ng pagbisita sa ilang tourist spots doon.
Nagkaroon naman ng K-drama moment si Boobay nang bisitahin niya ang Starfield Library, Bukchon Hanok Village, at Myeongdong Cathedral sa Seoul.
SAMANTALA, NARITO ANG IBA PANG COOL PHOTOS NG CELEBRITIES MULA SA KANILANG SOUTH KOREAN TRIP: