Around GMA

Article Inside Page

May mga tanong daw si Kapuso actress Mikee Quintos para sa kanyang sarili kaya niya nagpadesisyunang i-relaunch ang kanyang vlog sa YouTube.

Isa ito sa mga personal na proyektong sinumulan niya noong quarantine.

Pero aminado siya na nakaramdam siya ng pag-aalinlagan dito.

Iniisip daw kasi niya ang magiging pagtanggap ng mga manonood.

"Kaya ko ba? Makakapag-follow through ba 'ko? Mase-send ko ba nang maayos 'yung message na gusto kong i-send, 'yung intention ko? Ang dali kasing ma misunderstand. Natatakot din akong makatanggap ng maraming bash 'pag di nila ko naintidihan," pahayag ni Mikee sa isang eksklusibong panayam ng GMANetwork.com.

Pero nakatulong daw sa kanya ang kanyang acting mentor na si Ana Feleo.

Ipinaalala daw kasi sa kanya nito ang mga magagandang posibilidad.

"Nag-stick sakin 'yung sinabi ni Ate Ana na 'Imagine all the lives you're gonna touch and all the people you're gonna help. Isipin mo na lang 'yun.' Tapos doon ako nalalakasan ng loob," bahagi ni Mikee.

Sa ngayon, nais niyang maghatid ng inspirasyon sa pamamagitan ng kanyang vlog.

"Hindi man ako maintindihan ng lahat, kahit isang tao lang makaintindi at matulungan ko 'yung buhay niya, okay lang. 'Yung possibility na mangyari 'yun, 'yun 'yung nagpapagana saking ibalik 'yung YouTube presence ko," aniya.

Alamin ang ilang pagbabago sa relaunched vlog ni Mikee sa eksklusibong video na ito.

Kamakailan, natanggap na rin ni Mikee ang kanyang Silver Play Button mula sa YouTube.

Agad naman niya itong ginawan ng unboxing video na mapapanood sa kanyang vlog.