Around GMA

Article Inside Page

Kahit kilala ang pangalan ng kanyang ama na si Niño Muhlach sa industriya ay hindi ito ginamit ng Sparkle artist na si Sandro Muhlach para makapasok sa showbiz.

Sa interview ng dalawa sa vlog ni Karen Davila, sinabi ni Sandro na kaya niya ginawa iyon ay para makabuo siya ng pangalan para sa sarili niya.

“Saka parang hindi po nila alam that time, 'yung mga tao, hindi nila alam na may panganay pa si Niño Muhlach so I was like always left behind before,” kuwento nito.

Dagdag pa ng young actor, “Siyempre, may time na sobrang sumikat si Alonzo. I'm always in the background, pero wala naman pong ano sa akin 'yun, more on I want to make a name for myself.”

Samantala, ipinahayag naman ni Niño and pagkabilib niya sa kanyang panganay na anak sa kagustuhan nitong pumasok sa industriya.

Aniya, “One thing I admired about Sandro, I never, kumbaga hindi naman gusto lahat mag-showbiz. Pero gusto niya talaga mag-artista e, so ang ginawa ko, hindi ko siya tinutulungan.”

Kuwento ni Niño ay nagpunta si Sandro sa GMA para mag-audition, at sinabing walang special treatment ang anak noong mga panahon na 'yun.

“I never called anyone, I never asked [for] help,” sabi nito.

Ayon naman kay Sandro, kahit hindi siya tinulungan ng papa niya na makapasok sa showbiz ay hindi naman siya nito pinabayaan at binigyan pa siya ng guidance sa pagtahak ng bagong career.

Pag-alala ni Sandro sa sinabi ng papa niya, “Sabi niya, 'Sandro, I think dadating 'yung time mo.' Like he always encourages me na parang 'gagawin mo 'yan all by yourself and lahat 'yun magpe-pay off.'”