Around GMA

Article Inside Page

Hindi na makapaghintay ang dalawa sa mga pinakabagong Sang'gre na sina Faith Da Silva at Kelvin Miranda para sa kanilang costume sa upcoming fantaserye na Encantadia Chornicles: Sang'gre.

Sa interview nila kay Lhar Santiago sa 24 Oras, kinuwento nina Faith at Kelvin na kamakailan lang ay sumailalim na sila sa ika-apat na fitting ng kanilang costumes.

“Siguro maganda lang din na paunti-unti nakikita namin 'yung progress ng show,” sabi ni Faith.

Excited naman si Kelvin, hindi lang na masukat ang final costumes nila, kundi na makunan din siya ng picture na suot ito.

“Sobrang excited na'kong masukat siya ng final and makukunan na 'ko ng litrato para meron na 'kong pang-post or something na memorable para sa'kin,” aniya.

Dagdag pa ni Kelvin, “Hindi pwedeng hindi mapunta sa'kin 'yung costume ko na 'yan, at saka 'yung mga gamit ko diyan.”

Nagbigay rin si Faith ng kaunting update pagdating sa set ng kanilang upcoming serye.

“Malapit na malapit na matapos 'yung set, pero until now siguro sa mundo pa sila ng mga tao nagfo-focus,” sabi niya.

BALIKAN ANG PAGSASAMA-SAMA NG NGEW GEN NA MGA SANG'GRE SA GALLERY NA ITO:

Samantala, lalahok naman ang apat na new generation Sang'gres na sina Faith, Kelvin, Angel Guardian, at Bianca Umali sa book reading Philippine Book Festival sa April 25. Dito, ikinuwento nila ang tungkol sa apat na kaharian ng Encantadia.

Habang hinihintay ang taping, abala naman si Kelvin sa pamamasyal. “Baguio, roadtrip, motor or kotse. Du'n mo kasi nakikita 'yung peace of mind. Kumbaga nauupuan mo 'yung mga bagay-bagay sa buhay mo na nangyari or nakasalamuha mo lately or recenty. Du'n mo nare-re-adjust, nami-meet mo uli 'yung sarili mo,” ani Kelvin.