Around GMA

Article Inside Page

Grateful si Asia's Multimedia Star Alden Richards sa tagumpay at suportang natanggap ng inorganisa nilang fun run event na 'Lights, Camera, Run! Takbo Para sa Pelikulang Pilipino.' Ginanap ang naturang fun run ngayong Linggo, May 11, na dinaluhan ng maraming runners, kabilang na ang ilang celebrities.

Ang naturang fun run ay inorganisa ng Movie Workers Welfare Foundation Inc. (MOWELFUND) at ng Myriad Corporation ni Alden para matulungan mga marginalized Filipino film workers. Lahat ng makukuha mula sa event ay mapupunta sa organisasyon.

Dumalo rin sa naturang event ang MOWELFUND board members na sina Mrs. Boots Anson Roa-Rodrigo, Ms. Gina Alajar, Mr. Rez Cortez, at si Kapuso Primetime King Dingdong Dantes.

Present din sa naturang event sina GMA Network Senior Vice President Atty. Annette Gozon-Valdes at Sparkle First Vice President Ms. Joy Marcelo. Sa katunayan ay nag-donate pa ang Sparkle GMA Artist Center ng PhP 100,000 sa 'Lights, Camera, Run!' charity event.

Sa speech ni Alden pagkatapos ng mismong fun run ay pinasalamatan ng Kapuso actor ang lahat ng mga dumalo at nakitakbo. Pinasalamatan din niya ang ilang sponsors, kabilang na ang BDO kung saan galing sa kanila ang 438 na runners ng naturang fun run.

BALIKAN ANG CELEBIRITES NA NA-E-ENJOY NGAYON ANG KANILANG RUNNING ERA SA GALLERY NA ITO:

Pinasalamatan din ng aktor ang mga kaibigan at kapwa celebrities na dumalo sa event, “Sa lahat po ng mga celebrity friends natin na nandito ngayon, thank you so much for being here, for participating. Itong si Martin (Javier) palong-palo kanina.”

“But anyway, sobrang grateful lang po kaming lahat, most especially sa Myriad Entertainment Corporation, of course sa Mowel Fund, and definitely, of course our partner organizers of course sa Green Media Management for everyone's participation today,” pagpapatuloy ng aktor.

Aniya, marami mang pinagdaanan na mga hadlang para maorganisa ng maayos ang naturang event ay masaya naman sila sa naging success nito.

Pag-amin pa ni Alden, “Actually this is the first time for my company to mount a fun run, but I think this one will definitely not be the last so marami pa kayong fun run na aasahan sa amin.”