EXCLUSIVE: Paano na-maintain ng 'Pepito Manaloto' ang kalidad ng bawat episode nila every week?
Ibinahagi ng former sexy star turned comedienne na si Janna Dominguez kung papaano nila napapanatili ang mataas na kalidad ng comedy sa number one sitcom tuwing Sabado ng gabi na Pepito Manaloto: Ang Tunay na Kuwento.
Kuwento ni Janna sa exclusive interview ng GMANetwork.com, sinabi nito na napakahalaga daw sa kanila na mayroon silang script reading every taping.
Aniya, “Number one [difficulty kasi] is conflict sa karakter, ‘yung i-sustain mo from the beginning until the end of the show [yung karakter mo] na hindi ka bibitaw. [Kaya] ever since, in-establish namin ‘yung reading.”
Very open din daw ang creative director nila na si Michael V kung gustuhin man nila baguhin ang kanilang mga lines sa eksena. Lahat 'yun ay ginangawa sa script reading. Kaya ganun na lang ang bilib ni Janna sa galing ni Bitoy na siyang nagpasimuno ng nito kanilang show.
“Ang nangyayari dito napag-uusapan lahat. American way nga, ang galing, si Kuya Bitoy pa din alam mo ‘yun iba ‘yung utak niya,”
Minsan din daw ay naninibago na sila kapag naggi-guest sa ibang show, dahil nasanay na sila na may script reading every shoot. "Ngayon pag kami nagi-guesting kami sa mga show, naninibago kami kasi siyempre naging kaugalian na ng mga artista is babasahin lang ‘yung sequence lang nila, so hindi nila alam ‘yung pinanggalingan.”
MORE ON PEPITO MANALOTO: