WATCH: Michael V, writer at singer ng theme song ng 'Family History'

Maliban sa pagganap bilang director, script writer, producer, at actor, nagsilbing writer at singer din ang comedian na si Michael V ng theme song ng pelikulang Family History.

WATCH: Ang 4-in-1 role ni Michael V sa pelikulang 'Family History'

Pinamagatang “Ba't Gano'n” ang kantang isinulat ni Michael V, na tila karugtong daw ng pelikula lalo na sa sentimental aspects nito.

Ayon kay Bitoy, “It's about hope, it's about putting your trust in someone else's good hands. Pati na rin faith. May kinalaman ito sa movie.”

Ang ikalawang bersyon o band version ng nasabing kanta ay kakantahin naman nina Miguel Tanfelix, Jimwell Ventenilla, at Mikoy Morales.

Challenged at proud ang tatlo dahil napili sila ng Kapuso comedic genius.

Ani ni Miguel, “Challenge po kasi di ko naman talaga forte yung pagkanta.

“At bilang challenge, dapat kailangan paghandaan, pagbutihan, at pag-aralan.”

Panuorin sa chika ni Nelson Canlas:

Makakasama ni Bitoy sa kanyang directorial debut sina Dawn Zulueta, Miguel Tanfelix, Bianca Umali, Paolo Contis at marami pang iba sa Family History.