Kissing scenes nina Shaira Diaz at David Licauco at pa-'something' ni Martin del Rosario, dapat abangan sa 'Because I Love You'

Simula ngayong araw, June 26, mapapanood na sa mga sinehan ang pelikulang Because I Love You na pinagbibidahan ng Kapuso stars na sina Shaira Diaz at David Licauco.

Sa ginanap na premiere night ng pelikula noong June 25 sa SM Megamall, ibinahagi ng cast ang mga eksena na dapat abangan ng mga manonood.

Kuwento ni Shaira, may kissing scenes daw sila ni David. Aniya, "Abangan na lang nila kasi maganda eh. First time lang namin ginawa 'yung ganun. Exciting 'yung pagkaka-shoot, 'yung pagkaka-execute ng eksena kaya dapat inaabangan siya."

Bukod dito, hindi raw mawawala ang pagpapakita ng abs ng Chinito Heartthrob na si David.

Samantala, ang kanilang co-star sa pelikula na si Martin del Rosario raw ang may pasabog. Saad ni David, "Si Martin may ipapakita talaga. Nagpakita ng 'something.'"

"Si Martin nagulat ako. Hindi ako makatingin sa kanya," dagdag pa ni Shaira.

Marami pa raw na dapat abangan sa Because I Love You dahil si Joel Lamangan ang kanilang direktor.

"Actually, hindi kami makahindi talaga kay Direk Joel eh kaya marami kayong aabangan. Maganda, nakakatuwa. Marami kaming first time [na ginawa]," pagtatapos ni Shaira.

Produced by ALV Films, in cooperation with Garahe Films, and distributed by Regal Films, Because I Love You opens in local cinemas today, June 26.