WATCH: GOT7 at Cha Eun Woo, nagpakilig sa kani-kaniyang fan meet sa bansa
GOT7
Tiliaan ang sumalubong sa K-Pop boy group na GOT7 sa kanilang concert sa Mall of Asia Arena noong Sabado, October 26.
Ang stop over nila sa Manila ay parte ng kanilang Keep Spinning World Tour upang i-promote ang kanilang comeback album na pinamagatang “Spinning Top” na ini-release noong Mayo.
Ang K-Pop group ay binubuo ng pitong miyembro na sina JB, Mark, Jackson, Jinyoung, Youngjae, Bambam, at Yugyeom.
Ito ang ikalawang beses nilang bumisita sa Pilipinas.
Cha Eun Woo
Noong Sabado rin ginanap ang first-ever meet and greet ng Astro boy member at Gangnam Beauty star na si Cha Eun Woo.
Napuno ng hiyawan at kilig ang buong New Frontier Theater sa Cubao, Quezon City nang makita ang Korean oppa.
Isa na sa mga dumalo ay ang Kapuso actress na si Winwyn Marquez na aminadong big fan rin ng aktor.
Ayon kay Wyn, “Talagang bumili ako ng ticket para makita ko siya in person.
“So, pumila and everything else para lang makita siya. Haha!”
Game na game rin ang aktor sa pagsasalita ng ilang Tagalog words tulad ng “mahal kita” at “pak na pak.”
Kinanta rin niya ang hit single ng Ben&Ben na 'Kathang Isip.'
Panoorin ang buong chika ni Aubrey Carampel: