LOOK: Lolit Solis hanga kay Sandara Park at sa K-entertainment industry
Malaki ang paghanga ni showbiz writer Lolit Solis sa Korea ngayong isa-isa na nitong napapantayan ang Amerika sa entertainment industry pagkatapos mag-wagi ang South Korean film na Parasite sa ginanap na Oscar Awards kamakailan.
Aniya sa isang Instagram post, “Kung noon overacting na ang higpit sa pagbabantay sa mga Korean actors and K-Pop, e 'di lalo na ngayon na Oscar winner na sila?
“Ngayon lalo na-validate and Korean invasion sa showbiz, ngayon lalo pang tumaas ang premium nila, ngayon talaga sila on top of the world...
“Isa sa hahangaan mo sa kaniya 'yung pagbabantay nila sa mga celebrity nila.”
Banat pa ng entertainment news writer, mas mahirap na raw ang chance niyang makausap si Jo In Sung, ang Korean actor na gumanap sa What Happened in Bali, That Winter, The Wind Blows, at It's Okay, That's Love.
Kaya naman nang pumunta siya sa Korea kamakailan, laking gulat niya nang sinalubong siya ni former 2NE1 member Sandara Park sa bansa.
Sambit niya, “Kaya nga touching 'yung ginawa ni Sandara Park sa atin nang pumunta tayo sa Korea, na i-treat tayo sa dinner sa gitna ng busy sked niya dahil makikita mo talaga iyon effort niya na i-entertain si Aileen Go ng MegaSoft at si Lola Budingding niya.
“Muntik nga ako umiyak dahil kumanta pa siya ng happy birthday at nagbigay pa ng cake. Kaya nga nadagdagan ang paghanga ko sa Koreans dahil kay Sandara Park na mahal na mahal ang mga Pilipino at Pilipinas.
“Hayyy.. Inggit na inggit ang local showbiz sa inabot ng Korean sa filmdom industry. Bongga talaga! Clap, clap, clap,” pagtapos nito.
Samantala, hindi ito ang unang beses na nagpakitang gilas si Lolit tungkol sa kanyang kaalaman sa Korean entertainment industry.
Kamakailan, nagbahagi ang writer ng litrato ni Gabbi Garcia na may kasamang caption na “Balita sa 24Oras na nakita niya si Messi, e, 'yon pa naman 'yung pangalan madalas mabanggit sa Korean serye na Weightlifting Fairy kaya naalala ko talaga, pati 'yung Ronaldo.”
IN PHOTOS: Pinoy celebrities na K-Pop at K-Drama fans
Lolit Solis hindi makapaniwalang tatapatan ng mga bigating aktor ang 'Prima Donnas'