Narito ang mga Kapuso young stars na nagpahiram ng kanilang mga tinig para bigyang buhay muli ang iconic Japanese anime na 'Voltes V.'
Si Derrick Monasterio ang nagbigay-tinig kay Steve Armstrong na tumatayong leader ng mga piloto ng Voltes V.
Ipinahiram ni Jak Roberto ang kanyang boses kay Mark Gordon, isang rodeo champion na na-recruit para maging piloto ng Voltes V.
Si Hiro Peralta naman ang tumayong voice actor para sa gentle giant na si Robert "Big Bert" Armstrong.
Si Bea Binene naman ang voice actress para sa nag-iisang babaeng Voltes V pilot na si Jamie Robinson.
Si Ken Chan ang magbibigay-tinig kay Prince Zardoz, isang Boazanian na may misteryosong koneksiyon sa magkakapatid na Armstrong.
Ika-40 anibersaryo na ng iconic Japanese anime na Voltes V, kaya huwag palampasin ang pagbabalik ng pinaka-astig na robot sa mundo ng anime, Voltes V, simula March 27, Lunes hanggang Biyernes, 8:25 am sa nangungunang GMA Astig Authority.