Therese Malvar, pangarap maging direktor, cinematographer

Nagtapos sa senior high school bilang salutatorian ang award-winning actress na si Therese Malvar noong Hunyo.

Sa panayam ng 24 Oras report, ibinahagi ni Therese na kahit walang pormal na graduation ceremony ay masaya pa rin siya dahil nakapagtapos siya ng pag-aaral habang isinasabay ang pagtatrabaho sa showbiz.

Source: theresemalvar (IG)

“This is what I want. I want to graduate on time and I also want to cherish each moment while still I'm actress.

College freshman na si Therese ngayon at kumukuha ng kursong AB Film.

“Gusto ko rin maging part ng pelikula behind the camera. I would also want to try that. I want to be a director or a cinematographer,” aniya.

Natutuwa rin ang aktres na ipinalalabas na sa Netflix ang pelikulang Gasping For Air na kinabibilangan niya.

Susunod na rin dito ang pagpapalabas ng Distance, na nakapagbigay sa kanya ng Best Supporting Actress award sa 2018 Cinemalaya Independent Film Festival.

Samantala, kamakailan ay pinarangalan ang GMA music artists na sina Kyryll at Garett Bolden sa 33rd Awit Awards.

Nasungkit ni Kyryll Ugdiman ang Best Performance by a New Female Recording Artist para sa first single niyang “Silent Rumblings.”

“Super nagulat ako. Hindi ko in-expect and super overwhelming ng lahat ng nangyayari sa akin ngayon ang first single ko pa.

“Super grateful talaga ako sa GMA Music and lalo na sa mga sumusuporta sa akin,” aniya.

Source: kyryllugdiman (IG)

Tinanggap naman ng The Clash alumnus na si Garrett ang People's Choice award for Favorite New Male Artist.

“Nakakatuwang isipin na kahit na at this time, at this pandemic, e, nandiyan pa rin talaga sila and they're really supporting me. Sa lahat ng naniniwala at sa lahat ng nagsu-support sa akin, sa fans ko, para rin sa daddy ko na nasa heaven na,” aniya.

Source: garrettboldenjr (IG)

Kamakailan din ay inilabas na ng vlogger-turned-actor na si Benedict Cua ang kanyang first-ever single, ang “'Di Namalayan.”

Source: benedict_cua (IG)